Med gitaren i bilen og songane i lomma legg Trygve Skaug ut på vegen igjen våren 2025 – denne gongen heilt åleine, med det rykande ferske albumet Ikke slipp.

Den folkekjære musikaren, poeten og formidlaren har eit unikt grep om det nære og det ekte. Han trivst aller best på små scener der han kjem tett på publikum – og akkurat slik vert det når han i juli gjestar Operalåven.

Vi gler oss til ein varm og inderleg sommarkveld, med musikk og tekstar som går rett i hjartet – medan sola sakte senkar seg over dalen.