Festivalen Gjestespel, som utforsker samspillet mellom ulike kunstartar, arrangeres for andre gang i låven på Tolleivsgarden på Ål – 31. juli til 3. august 2025. Her får du ei sjeldan moglegheit til å oppleve kunst i verdsklasse, tett på – i eit nært og eksklusivt festivalformat.

Årets tema er HUSLYD, inspirert av biletkunstnar Hanne Borchgrevink sitt album HUS, der ho inviterte nokre av landets fremste musikarar til å tonesette bileta hennar. Under Gjestespel blir dette kunstneriske møtet levande att – med fleire av dei originale utøvarane, bileta hennar og publikum samla under same låvetak.

Festivalen byr også på nyskrive bestillingsverk av forfattar Cecilie Løveid, ei eiga utstilling av Tore Hansen, te-smaking, familiedag, og fleire unike opplevingar der ulike uttrykk møtest i same rom.

Det er eit begrensa antall billettar per arrangement – så vi anbefaler å bestille i god tid. Billettar blir snart lagt ut via Ål kulturhus sine nettsider.

Gjestespel er støttet av Norsk kulturråd, Fritt Ord og Ål kommune, og blir arrangert i samarbeid med Fryd Scene og Rivjødn v/ Rannveig Øygardslia.