Om

Kulturkommunen Ål og Ål Handelsforening inviterer, tradisjonen tru, til stemningsfull og triveleg julegrantenning på Torget fyrste sundag i advent.

 

Det blir song og dans rundt julegrana før alle går i samla flokk, saman med kanefarten, ned til kulturhuset der nisse og gløgg ventar. Har du ei lykt du kan halde i handa med te-ljos i - ta ho med så lagar me ljos i mørket saman.

 

Innslag ved kulturskulen og lokalt kulturliv.

Ta med lykt og varme vottar.

Det vert også anledning til å få litt kultur servert når man fyrst er i sentrum. Her er programmet forøvrig: 

 

• Aladdin med Ål Kulturskule på Ål Kulturhus – kl. 14:30.

• Julegrantenning og lysvandring på Torget kl. 16:00.

• Julekonsert i Ål kirke med Trygve Seim og Andreas Utnem kl. 17:30.

• Aladdin med Ål Kulturskule på Ål Kulturhus – kl. 17:30.

 

Bearhouse burger held opent frå 15:00-19:00 og byr på julekake og julepunsj for barn og vaksne.

 

Vel møtt nisser og skrømt, store og små - no skal me ut å syngje og gå!