Om

I mars kan du oppleve klassisk musikk når Ål-koret inviterer til vårkonsert.

 

Denne gongen blir det konsert i to kyrkjer, i Geilo kulturkyrkje og i Ål kyrkje. 

 

På programmet står Requiem og andre verk av Gabriel Faurè. Requiem, ei dødsmesse, kan høve bra når påska nærmar seg. I tillegg vil koret framføre verk av Ola Gjeilo, som har røter frå Hol. Musikken hans er ei blanding av klassisk og jazz. Koret har sunge verk av Gjeilo tidlegare og gler seg til å ta opp att denne flotte musikken.  Ål-koret har med seg Marit Sehl som solist på denne konserten. Ho er kjend og kjær for koret gjennom fleire samarbeid. Sjølvsagt er også deira eigen dirigent og solist, Arild Rønsen, med.